WWW.GURUDEVAN.NET

വിശ്വഗുരുവായ ശ്രീനാരായണനെ അറിയാനും അറിയിക്കാനും ലക്ഷ്യമിട്ട് രൂപംകൊടുത്ത ഫേസ്ബുക്ക് കൂട്ടായ്മ 'ശ്രീനാരായണ ഗുരു' (http://www.facebook.com/groups/sreenarayanaguru2/) അതിന്‍റെ പ്രവര്‍ത്തന മണ്ഡലത്തില്‍ പുതിയ അദ്ധ്യായങ്ങള്‍ രചിച്ചു മുന്നേറുകയാണ് . ഭഗവാന്‍ ശ്രീനാരായണന്റെ നിരന്തര കൃപാകടാക്ഷം കൊണ്ട് അനുഗ്രഹീതമായ ഈ കൂട്ടായ്മ ' അരുളുള്ളവനാണ് ജീവി ' എന്ന മഹത്തായ ഗുരുവചനം മുനിര്‍ത്തി തുടക്കം കുറിച്ച പ്രഥമ ജീവകാരുണ്യ സംരംഭം അംഗങ്ങളുടെ സഹകരണത്താല്‍ ഒരു മികച്ച വിജയമാക്കുവാന്‍ കഴിഞ്ഞു എന്ന വിവരം സസന്തോഷം അറിയിക്കട്ടെ .

ആത്മോപദേശ ശതകം - വ്യാഖ്യാനം ( പ്രൊഫ. ആര്‍ വാസുദേവന്‍ പോറ്റി) പദ്യം - 1 By Shibu Vasavan in SREE NARAYANA GURU ·

http://www.facebook.com/groups/sreenarayanaguru2/doc/312573618810128/

 പദ്യം 1 അറിവിലുമേറിയറിഞ്ഞിടുന്നവന്‍ ത- ന്നുരുവിലുമൊത്തു പുറത്തുമുജ്ജ്വലിക്കും കരുവിനു കണ്ണുകളഞ്ചുമുള്ളടക്കി- ത്തെരുതെരു വീണുവണങ്ങിയോതിടേണം. ഇവിടെ അറിവ് എന്ന പദം കൊണ്ട് ലൌകികമായ വൃത്തിരൂപമായ ജ്ഞാനമാണ് വിവക്ഷിതം . വേദാന്തികളുടെ സിദ്ധാന്തം അനുസരിച്ച് മനസ്സ് ഇന്ദ്രിയങ്ങള്‍ വഴിയായി വിഷയങ്ങള്‍ ഇരിക്കുന്ന സ്ഥലത്ത് ചെല്ലുന്നുവെന്നും തുടര്‍ന്ന് ആ മനസ്സ് വിഷയത്തിന്‍റെ രൂപത്തില്‍ ആയി തീരുന്നുവെന്നും ആ വിഷയ രൂപത്തിലുണ്ടാകുന്ന മനസ്സിന്‍റെ മാറ്റമാണ് വൃത്തിയെന്നും ആണ് സങ്കേതം. ആ വൃത്തിയില്‍ പരമാത്മ ചൈതന്യം പ്രതിബിംബിക്കുന്നു .അങ്ങിനെ വൃത്തിയില്‍ പ്രതിഫലിച്ച ചൈതന്യമാണ് ലൌകിക ജ്ഞാനം. മറ്റൊരു വസ്തു വിഷയമാകുമ്പോള്‍ ആദ്യത്തെ മാറ്റം ഇല്ലാതാകുന്നു, അതിലെ പ്രതിബിംബം നശിക്കുകയും ചെയ്യുന്നു. അപ്പോള്‍ ആ ജ്ഞാനം നശിക്കുന്നു. മനസ്സ് പുതിയ വസ്തുവിന്‍റെ രൂപത്തിലാകുന്നു. അതില്‍ പരമാത്മ ചൈതന്യം പ്രതിഫലിക്കുന്നു. അങ്ങിനെ പുതിയ ജ്ഞാനം ഉണ്ടാകുന്നു. അപ്രകാരം ആ ജ്ഞാനത്തിലും ആ ജ്ഞാനത്തോടുകൂടിയ വ്യക്തിയിലും ഒരു പോലെ വ്യാപിച്ച് ആ ജ്ഞാതാവിന്റെ ശരീരത്തിലും പുറത്തും പറ്റിനിന്നു ഉജ്ജ്വലിക്കുന്നതാണ് പരമാത്മാവ്. അതാണ്‌ ഉജ്ജ്വലിക്കും 'കരു '. ആ കരു ( വസ്തു) അകത്തും പുറത്തും ഒരുപോലെ സ്ഥിതിചെയ്യുന്നു . ആചാര്യന്‍ ആ ആത്മ ചൈതന്യത്തിന് മുമ്പില്‍ വീണു വണങ്ങുന്നു.