Educate & Enlighten | Organize & Strengthen - Sree Narayana Guru Blog

0

എസ്.എൻ.ഡി.പി. യോഗം

ശ്രീനാരായണ ധർമ്മ പരിപാലന യോഗം എന്നതിന്റെ ചുരുക്കെഴുത്താണ് എസ്.എൻ.ഡി.പി. കേരളത്തിന്റെ നവോത്ഥാനത്തിൽ പ്രധാന പങ്ക് വഹിച്ച ശ്രീനാരായണ ധർമ്മ പരിപാലന യോഗം 1903 മെയ് 15-നു കമ്പനി നിയമപ്രകാരം രജിസ്റ്റർ ചെയ്തു. ശ്രീനാരായണഗുരു യോഗത്തിന്റെ ആദ്യ അദ്ധ്യക്ഷനും കുമാരനാശാൻ ആദ്യ സെക്രട്ടറിയും ആയിരുന്നു.

ആരംഭം
========
സാമുദായികസമത്വത്തിനുവേണ്ടിയുള്ള സംഘടിതയത്നം കേരളത്തിൽ ആദ്യമായുണ്ടായത് എസ്.എൻ.ഡി.പി യോഗത്തിന്റെ ആരംഭത്തോടെയാണ്. ഒരു വലിയ സംഘടന രൂപവത്കരിച്ച് ശക്തിയായ ഒരു പ്രക്ഷോഭണം തുടങ്ങാൻ വേണ്ടി ‘ഈഴവ മഹാജനസഭ’ എന്ന പേരിൽ ഒരു സംഘടന തുടങ്ങുവാൻ ഡോ. പല്പു തീരുമാനിച്ചു. അതിലേക്ക് ആവശ്യമായ നിയമാവലി രൂപപ്പെടുത്തി തങ്കശ്ശേരിയിൽ നിന്നും പുറപ്പെടുന്ന ‘മലയാളി’ പത്രത്തിൽ അദ്ദേഹം പ്രസിദ്ധപ്പെടുത്തി. മയ്യനാട്, പരവൂർ മുതലായ പ്രദേശങ്ങളിൽ ഡോ. പല്പുവും അദ്ദേഹത്തിന്റെ സ്നേഹിതരും ചില യോഗങ്ങൾ വിളിച്ചു കൂട്ടിയെങ്കിലും അവയൊന്നും ഫലപ്രാപ്തിയിലെത്തിയില്ല. അക്കാലത്താണ് അരുവിപ്പുറത്ത് നാരായണഗുരു ശിവപ്രതിഷ്ഠ നടത്തിയതും ശിവക്ഷേത്രം സ്ഥാപിക്കുന്നതും. അതിന്റെ ഭരണത്തിനും മറ്റ് ഉത്തരവാദിത്വങ്ങൾക്കുമായി ഒരു “വാവൂട്ട് യോഗം” നന്നായി പ്രവർത്തിക്കുന്നതായി ഡോ. പല്പു മനസ്സിലാക്കി. സമുദായോദ്ധരണത്തിനായുള്ള സംഘടന വിജയകരമായി നടത്താൻ അതിനെ മതത്തോട് ബന്ധിപ്പിക്കുകയും ഗുരുവിന്റെ അധ്യക്ഷതയിൽ ആ സ്ഥാപനം പ്രവർത്തിപ്പിക്കുകയും ചെയ്യണമെന്ന് ഡോ. പല്പു മനസ്സിലാക്കി. നാരായണഗുരുവുമായും അദ്ദേഹത്തിന്റെ അനുയായികളുമായും മറ്റും ചർച്ചകൾ നടത്തി ഗുരുവിന്റെ പൂർണ്ണ അനുഗ്രഹവും അനുയായികളുടെ പിന്തുണയും സമ്പാദിച്ചു.

ezhava-samgamam 0

തിരുവിതാംകൂര്‍ ഈഴവ സംഗമം

ശംഖുംമുഖത്ത് കടലിന് സമാന്തരമായി പീതസാഗരം തീര്‍ത്ത് തിരുവിതാംകൂര്‍ ഈഴവ സംഗമം. എസ്.എന്‍.ഡി.പി യോഗത്തിന്റെയും യൂത്ത് മൂവ്‌മെന്റിന്റെയും ശക്തിപ്രകടനമായി മാറിയ സംഗമത്തില്‍ പങ്കെടുക്കാന്‍ സംസ്ഥാനത്തിന്റെ വിവിധ ഭാഗങ്ങളില്‍ നിന്നും വിദേശത്തു നിന്നുംലക്ഷക്കണക്കിന് ശ്രീനാരായണിയരാണ് ശംഖുംമുഖത്തേക്ക് ഒഴുകിയത്. അവഗണനയും വഞ്ചനയും സഹിച്ച് എല്ലാക്കാലവും രാഷ്ട്രീയപ്പാര്‍ട്ടികളുടെ കൊടിക്കീഴില്‍ ശ്രീനാരായണീയര്‍ നില്‍ക്കുമെന്ന് കരുതേണ്ടുന്ന പ്രഖ്യാപനത്തിനായിരുന്നു ശംഖുംമുഖത്തെ ജനസാഗരം സാക്ഷിയായത്. അവഗണന അനുഭവിക്കുന്ന വലിയ വിഭാഗം ജനങ്ങൾ ഇവിടെയുണ്ടെന്നും, വേണ്ടിവന്നാൽ അവരുമായി യോജിച്ച് രാഷ്ട്രീയാധികാരം ഉറപ്പാക്കാൻ ഏതറ്റം വരെ പോകാനും സജ്ജമാണെന്നും എസ്.എൻ.ഡി.പി യോഗം ജനറൽസെക്രട്ടറി വെള്ളാപ്പള്ളി നടേശൻ പറഞ്ഞു. വൈദ്യൻ കല്പിച്ചതും, രോഗി ഇച്ഛിച്ചതും പാലെന്ന ബോദ്ധ്യത്തോടെയാണ് താൻ ഇത് പ്രഖ്യാപിക്കുന്നതെന്നും അദ്ദേഹം കൂട്ടിച്ചേർത്തു. 

old-legends 0

തിരുവിതാംകൂര്‍ ഈഴവ സംഗമം

എസ്.എൻ.ഡി.പി യോഗത്തിന്റെ ആഭിമുഖ്യത്തിൽ ജനുവരി 31 ന്  ശംഖുംമുഖത്ത് നടക്കുന്ന തിരുവിതാംകൂർ ഈഴവ മഹാസംഗമം,​ യൂത്ത് മൂവ്മെന്റ് സംസ്ഥാന സംഗമം എന്നിവയ്ക്കുള്ള ഒരുക്കങ്ങൾ തകൃതി.  തലസ്ഥാനത്ത് നടക്കുന്ന തിരുവിതാംകൂര്‍ ഈഴവ മഹാസംഗമത്തിന്റെയും യൂത്ത്മൂവ്‌മെന്റ് സംസ്ഥാന സംഗമത്തിന്റെയും ക്രമീകരണങ്ങള്‍ പരിശോധിക്കാനും വിലയിരുത്താനും എസ്.എന്‍.ഡി.പി. യോഗം നേതാക്കളെത്തി. സമ്മേളനസ്ഥലമായ ശംഖുംമുഖത്തെ വേദി പരിശോധിക്കാനാണ് എസ്.എന്‍.ഡി.പി.യോഗം വൈസ് പ്രസിഡന്റ് തുഷാര്‍ വെള്ളാപ്പള്ളിയും മറ്റ് നേതാക്കളുമെത്തിയത്.
 
സംഗമവുമായി ബന്ധപ്പെട്ട്  ഇതുവരെ  രണ്ട് ലക്ഷത്തോളം സമ്മേളനങ്ങൾ നടന്നതായി  സ്വാഗതസംഘം ഭാരവാഹികൾ പറഞ്ഞു.  135 യൂണിയൻ സമ്മേളനങ്ങളും, 4500  മേഖലാ സമ്മേളനങ്ങളും, 6500 ശാഖാ യോഗങ്ങളും ​യൂത്ത് മൂവ്മെന്റ് യൂണിയൻ ,​ വനിതാ സംഘം ,​മറ്റ് പോഷക സംഘടനകൾ എന്നിവയുടെ സമ്മേളനങ്ങളും നടന്നു.45,​000 കുടുംബ യോഗങ്ങളും 75,​000 മൈക്രോ യൂണിറ്റ് സമ്മേളനങ്ങളും ഇതിന് പുറമെയാണ്.സംഗമത്തിന്റെ  ആശയ പ്രചരണത്തിന്  അഞ്ഞൂറോളം നേതാക്കൾ ആറ് മാസമായി വിവിധ ജില്ലകളിൽ പ്രചാരണ രംഗത്താണ്.
unnamed 0

ഗാംബിറ്റ് സിവിൽ സർവീസ് അക്കാദമി ഉദ്ഘാടനം ചെയ്തു

ഗാംബിറ്റ് സിവിൽ സർവീസ് അക്കാദമി എസ് എൻ ഡി പി യോഗം വൈസ്-പ്രസിഡന്റ്‌ ശ്രീ തുഷാർ വെള്ളാപ്പള്ളി ഉദ്ഘാടനം ചെയ്തു . കോട്ടയം എസ് എൻ ഡി പി യൂണിയനിൽ ആരംഭിച്ച അക്കാദമി ഹൈ സ്കൂൾ കുട്ടികൾക്കുള്ള ഫൌണ്ടേഷൻ കോഴ്സ് ജനുവരിയിൽ ആരംഭിക്കും. ജ്യോതിസ് മോഹൻ IRS ,...

notice-front-final 0

ഗാംബിറ്റ് സിവിൽ സർവീസ് അക്കാദമി

2013 ഡിസംബർ 22 ഞായറാഴ്ച .. സിവിൽ സർവീസിന്റെ ഉന്നത മേഖലകൾ കയ്യേറുവാൻ എസ് എൻ ഡി പി യോഗത്തിന് കീഴിൽ, കോട്ടയം എസ് എൻ ഡി പി യൂണിയൻറെ ആഭിമുഖ്യത്തിൽ ശ്രീ നാരായണ എംപ്ലോയീസ് വെൽഫയർ ഫോറവും , യൂത്ത് മൂവ്മെന്റ് യൂണിയൻ സമിതിയും ചേർന്ന് സംഘടിപ്പിക്കുന്ന ഗാംബിറ്റ് സിവിൽ സർവീസ് അക്കാദമി യുടെ ഉദ്ഘാടനം യോഗം ജനറൽ സെക്രട്ടറി ശ്രീ. വെള്ളാപ്പള്ളി നടേശൻ കോട്ടയം എസ് എൻ ഡി പി യുണിയൻ ഹാളിൽ രാവിലെ 10 AM ന്‌ ഉദ്ഘാടനം ചെയ്യുന്നു. ഉദ്ഘാടനത്തിന് ശേഷം അക്കാദമിയുടെ മുഖ്യ ഉപദേഷ്ടാക്കളായ ഡോ . ബി അശോക്‌ ഐ . എ. എസ്, ജ്യോതിസ് മോഹൻ IRS , ഡോ. പി പി സുരേഷ് കുമാർ IPERT തുടങ്ങിയവർ നയിക്കുന്ന ക്ലാസും ഉണ്ടായിരിക്കും .

ലെവൽ 1- ഫൌണ്ടേഷൻ ഫോർ 8th & 9th ക്ലാസ്സ് , ലെവെൽ 2- ബേസിക് ഫോർ പ്ലസ് 1 & 2 , ലെവൽ 3- അഡ്വാൻസ് കോഴ്സ് ഫോർ സിവിൽ സെർവിസ് എന്നീ മൂന്ന് തലങ്ങളിൽ ആണ് ബാച്ചുകൾ ആരംഭിക്കുന്നത് . ഓരോ ബാച്ചിലും 60 പേർക്ക് പ്രവേശനം നൽകും . ഡിസംബർ 2 2 ന് നടക്കുന്ന എൻട്രൻസ് പരീക്ഷയ്ക്കും , അഭിമുഖ പരീക്ഷയ്ക്കും ശേഷമാണ് വിദ്യാർഥികളെ തിരഞ്ഞെടുക്കുന്നത് . ഞായരാഴ്ചകലിലും , അവധി ദിവസങ്ങളിലും ആണ് ക്ളാസ്സുകൾ .

Ph : 9 4 4 7 3 7 6 0 0 7 , 9 4 4 6 0 6 9 9 8 6

snewf-inauguration 0

ശ്രീ നാരായണ എംപ്ലോയീസ് വെൽഫയർ ഫോറം കോട്ടയം യുണിയൻ

ശ്രീ നാരായണ എംപ്ലോയീസ് വെൽഫയർ ഫോറം  കോട്ടയം യുണിയന്റെ ഓഫീസ്  SNDP  യുണിയൻ  ബിൽഡിങ്ങിൽ  SNDP  യുണിയൻ പ്രസിഡന്റ്‌  ശ്രീ. എ  ജി  തങ്കപ്പനും , സെക്രട്ടറി  ശ്രീ. ആർ  രാജീവും  ചേർന്ന്  ഉദ്ഘാടനം  ചെയ്തു .    ചടങ്ങിൽ കോട്ടയം SNDP  യുണിയന്റെ പുതിയ ഭാരവാഹികൾക്ക്  എംപ്ലോയീസ്  ഫോറത്തിന്റെ...

0

മഞ്ഞകിളികൾ

1932 ഡിസംബര് 24ന് തീര്ഥാടനത്തിന്റെ തുടക്കം കുറിച്ചുകൊണ്ട് ആദ്യസംഘം പുറപ്പെട്ടെതു പത്തനംതിട്ട ഇലവുംതിട്ടയില് സരസകവി മുലൂര് എസ്.പദ്മനാഭപ്പണിക്കരുടെ വസതിയില് നിന്നാണ്….. മൂലൂരിന്റെ വസതിയായ കേരളവര്മ സൗധത്തില് (കളരി വീട്) നിന്നും യാത്രതിരിച്ച ആദ്യസംഘത്തില് അഞ്ച് പേരാണ് ഉണ്ടായിരുന്നത്… ഇവര് പിന്നീട് മഞ്ഞകിളികൾ എന്ന് അറിയപ്പെട്ടു…. പി.കെ.ദിവാകരപണിക്കര്‍, പി.വി.രാഘവന്, എം.കെ.രാഘവന്, പി.കെ.കേശവന്,...

anil-tharanilam 0

അനിൽ തറനിലം ഗുരുവായൂർ ദേവസ്വം ബോർഡ് മെംബർ

ഗുരുവായൂർ ദേവസ്വം ബോർഡ് ഭരണ സമിതി ചെയർമാനായി ടി.വി.ചന്ദ്രമോഹൻ തുടരും. ചന്ദ്രമോഹൻ ഉൾപ്പെടെ ആറുപേരെ  നിയമിച്ച് സർക്കാർ വിജ്ഞാപനം പുറപ്പെടുവിച്ചു. നിലവിൽ ഭരണ സമിതി അംഗങ്ങളായ എൻ.രാജു, കെ.ശിവശങ്കരൻ, അഡ്വ. ജനാർദ്ദനൻ എന്നിവരെക്കൂടാതെ അനിൽ തറനിലം അടിമാലി, അഡ്വ. സുരേശൻ എന്നിവരെയും  പുതുതായി ഉൾപ്പെടുത്തി. സാമൂതിരി, ക്ഷേത്രം തന്ത്രി,...

0

ആഘോഷങ്ങളിൽ മദ്യം ഉപേക്ഷിക്കാൻ ആഹ്വാനം

എസ്.എൻ.ഡി.പി യോഗം ഭാരവാഹികളും പ്രവർത്തകരും മദ്യം ഉപയോഗിക്കില്ലെന്ന് പ്രതിജ്ഞയെടുക്കണമെന്നും കുടുംബത്തിലെ ആഘോഷങ്ങൾക്ക് മദ്യസൽക്കാരം ഒഴിവാക്കണമെന്നും യൂണിയൻ വാർഷികപൊതുയോഗം അംഗീകരിച്ച പ്രമേയം ആഹ്വാനംചെയ്തു.  സമൂഹത്തിലിന്ന്   മദ്യാസക്തി  കൂടിവരികയാണ്. ചെറുപ്പക്കാരും സ്കൂൾ കോളേജ് വിദ്യാർത്ഥികളും മദ്യത്തിന് അടിമകളാകുന്നു. ഈ സ്ഥിതി വിശേഷത്തെ ശക്തമായിനേരിടുന്നതിന് ഗുരുദേവ വിശ്വാസികൾ പ്രതിജ്ഞാബദ്ധരാണ്. സന്പൂർണ്ണമദ്യവർജ്ജനം ലക്ഷ്യമാക്കിയുള്ള പ്രവർത്തനം...

0

”ഗുരുദേവ മാഹാത്മ്യം” കഥകളിയ്ക്ക് തീണ്ടൽ

ശ്രീനാരായണഗുരുവിന്റെ കഥ പറയുന്ന ഗുരുദേവമാഹാത്മ്യം  കഥകളി തൃപ്രയാര്‍ ക്ഷേത്രമതില്‍ കെട്ടിനകത്തുതന്നെ നടത്താന്‍ അനുമതി നല്‍കണമെന്ന് തൃശൂരില്‍ ചേര്‍ന്ന അഖില കേരള എഴുത്തച്ഛന്‍ സമാജം അടിയന്തര സംസ്ഥാന എക്‌സിക്യൂട്ടീവ് കമ്മിറ്റി യോഗം കൊച്ചിന്‍ ദേവസ്വം ബോര്‍ഡിനോടും സംസ്ഥാന സര്‍ക്കാരിനോടും ആവശ്യപ്പെട്ടു. കാലഹരണപ്പെട്ട അന്ധവിശ്വാസങ്ങളും മൂഢവിശ്വാസങ്ങളും മുറുകെപ്പിടിക്കുന്നത് ഹിന്ദുമതത്തിന്റെ നിലനില്‍പ്പിനും ശക്തിക്കും വിഘാതമാണ്. എല്ലാ മതങ്ങളും ശക്തി പ്രാപിക്കുന്നത് നവീകരണത്തിലൂടെയാണ്.   ലോകം അടക്കിവാഴുന്ന യൂറോപ്യന്‍ ക്രൈസ്തവമതം ശക്തി പ്രാപിച്ചത് നവീകരണത്തിലൂടെയാണ്. അത് പാഠമാകണം. 1773-ല്‍ ആണ്   സാമൂതിരിരാജ്യം മൈസൂറിന് പൂര്‍ണ്ണമായും അടിമപ്പെട്ടത്.  സാമൂതിരിയുടെ പിടിപ്പുകേടിന് മുഖ്യകാരണക്കാര്‍ അന്ന് തൃപ്രയാര്‍ ക്ഷേത്രത്തിലെ തന്ത്രിയും പൂജാരിമാരുമായിരുന്നു. ഇത് കൊച്ചികോട്ടയില്‍ സൂക്ഷിച്ചിരുന്ന ഡച്ചുരേഖകളില്‍ കാണാം. കാലഹരണപ്പെട്ട വര്‍ണ്ണവ്യവസ്ഥയും ജാതിവ്യവസ്ഥ പുനരുദ്ധരിക്കാന്‍ ക്ഷേത്രം അധികാരികള്‍ മുതിരരുതെന്നും  കലാമണ്ഡലം ഗണേശന്‍ എഴുതിയ ഗുരുദേവമാഹാത്മ്യം ശിവരാത്രിമാഹാത്മ്യ കൃതികളില്‍ പെടുന്നതാണെന്നും യോഗം പാസ്സാക്കിയ പ്രമേയത്തില്‍ ആവശ്യപ്പെട്ടു.